Now TV獨家直播《歐洲國家盃2024》全部51場賽事

 

       歐洲國家盃2024將於香港時間6月15日正式揭幕，Now TV將獨家直播全部51場賽事！想緊貼列強晉級之路？想支持心愛球隊全力爭霸？球迷絕對不容錯過每一個精彩時刻、任何一場熱血沸騰的激戰！只要緊貼Now TV，即可捕捉這場足球盛宴的每一個精彩瞬間！全城狂歡，全力應援！

 

今屆揭幕戰由東道主德國迎戰蘇格蘭！作為3屆歐國盃冠軍，德國近年卻在大賽常於早階段出局，相信重返國家隊兼戰罷歐國盃將會掛靴的卻奧斯，定必會施展渾身解數，全力為德軍打響頭炮！

 

至於香港球迷寵兒的英格蘭，每屆都被喻為史上最強，今屆中前場繼續人材輩出，到底呢支上屆喺決賽飲恨嘅亞軍，今季哈利簡尼、比寧咸、霍頓等球星帶領下，能否成功將足球帶回家？

 

至於上屆冠軍意大利，今屆不幸與西班牙、克羅地亞及黑馬阿爾巴利亞同組，被外界稱為「死亡B組」，到底邊隊可以逃出生天、成功出線？

 

新球王安巴比坐擁世界盃冠、亞軍獎牌，但在歐國盃舞台卻未竟全功，上屆更因他射失12碼而16強出局，今屆榮升隊長的他，又能否帶領法國取得突破？

 

而舊球王C朗拿度即將破紀錄6戰歐國盃，今屆佢每次上陣、每個入球都將會再創歷史，加上摩迪、迪布尼等老將料將最後一屆參戰，絕對是睇一場、少一場！

 

歐洲國家盃2024將於專屬頻道618台直播，而分組賽最後一輪，將聯同619台同步直播同時開波的賽事，所有賽事均提供直播及點播重溫，一場不漏！

 

另外今屆更增設Lucky 688台，由陳樹鵬（阿鵬）、專家Dickson、Will仔以及一眾《絲打講英超》成員做主持，每個比賽日精選一場比賽，同觀眾一邊在Lucky 688台睇住直播畫面，一邊為球迷提供即時比賽形勢、賠率分析等資訊，以輕鬆角度同球迷一邊睇波，一邊講波經！

 

客戶可以透過Now TV網站購買「歐洲國家盃2024賽事通行證」，一次性費用為港幣980元。

 

購買通行證後即可透過App收睇，無須合約期，無須安裝機頂盒，即買即睇，非常方便，最適合不想煩、不想被合約捆綁的人。